صلاح عبد الله يرفع شعار ”لا للتعصب”: ليلتنا بيضا بإذن الله
حرص الفنان صلاح عبد الله، على دعم فريق الزمالك، قبل نهائي دوري أبطال إفريقيا اليوم الجمعة على استاد القاهرة، ضد الأهلي.
وتحت شعار لا للتعصب، كتب خلال منشور له عبر حسابه الخاص بموقع تبادل الصور والفيديوهات "إنستجرام": "ليلتنا بيضا بإذن الله ولذلك أتمنى فوز الزمالك لا للتعصب للأعمى لا التحفيل الغير مهذب".
وكان صلاح عبدالله قد نشر صورة تدعو لعدم التعصب، وعلق كاتبًا: "الأهلاوية يتمنوها التاسعة والزمالكاوية يتمنوها السادسة ومصر تتمناها مباراة رائعة لعبا وسلوكا بروح رياضية عالية بين الطرفين و"الجمهورين" وجمعة مباركة على كل المصريين الطيبين".
وفي منشور آخر كتب صلاح عبدالله: "النتيجة طبعًا بُكره مفيش حبايب في النتيجة، لكن لازم بكره وبعد بكره نفضل حبايب مهما كانت النتيجة، وكلنا نقول مبروك لمصر وتبقى هيا دي #النتيجة".
ودعم النجم تامر حسني، الروح الرياضية، حيث وجه رسالة لجماهير الأهلي والزمالك، قبل انطلاق مباراة نهائي القرن حيث كتب عبر حسابه بموقع "فيسبوك": "رأيي الشخصي المُتواضع، مهما اتكلمنا كلنا في الروح الرياضية الجميلة في كرة القدم مش هيكون كلامنا مؤثر زي أصحاب الرياضة نفسها، يعني لو صداقتهم الطيبة تبان في العلن من خلال بوستات فيها سلام بين اللاعبين، هتخليهم ينقلوا الروح السلمية دي للناس ولكُل الجماهير".
وتابع: "لو أثناء المباراة حد خبط حد يعتذر له ويطمن عليه، الناس فورا هتفرح بالروح دي والروح دي هتنتقل للبيوت وللجماهير ومش هيكون في أي نزاعات، ولو المباراة خلصت وكل لاعب جري حضن لاعب من الفريق التاني فعلا هيخلوا الناس في البيوت وكل مكان في نفس حالة السلم اللي هيصدروها، حتى لو إدارة كل نادي ألزمت كل فريق بالروح دي إجباري لإن ولادنا يستاهلوا إنهم مايكرهوش بعض ولا يتخانقوا بسبب رياضة المفروض إنها بتجمع الناس".
اقرأ أيضًا: أحمد الفيشاوي لـ”الطريق” قبل نهائي إفريقيا: الأهلي هيكسب 16-0
وأنهى حسني حديثه: "مش منطقي برضه كل ماتش الناس تحس إن فيه حرب هتحصل!! وبين مين!! أهم وأعرق الأندية المصرية اللي مشرفينا في كل الدنيا، يا رب كل الخير ليهم ولأولادنا وللجماهير العظيمة المخلصة".
