حسام حسن: أهدي الفوز لـ إبراهيم حسن.. وهذا سر احتفال عمار حمدي
عبر حسام حسن المدير الفني للاتحاد السكندري، عن سعادته بالفوز على بيراميدز بنتيجة هدفين دون رد، مساء اليوم السبت، في أولى جولات الموسم الجديد من مسابقة الدوري.
وقال حسام حسن خلال المؤتمر الصحفي عقب المباراة "نشكر الله على الأداء والنتيجة، حضرنا نفسنا كويس، حتى لو مكناش كسبنا، اللاعيبة نفذت كتير من التعليمات لاعبنا فريق كبير وتقيل عناصر كلها موجودة قوية".
وأضاف "احنا واثقين في شغلنا، كل اللي كنت بتمناه ان اللاعيبة تنفذ شغلنا، وصلنا لمرحلة أنا راضي عنها في الانسجام والأداء، راضي على التغييرات والتشكيل".
وتابع "كنا تمنى أننا تعمل نتيجة كويسة نهديها لإبراهيم حسن، إبراهيم كان معانا لحظة بلحظة، اترجيت ربنا اننا نكسب عشان إبراهيم يكون كويس".
وواصل "عمار حمدي هيكون ركيزة من ركائز الكرة المصرية، انا كنت متابعه جدا، عمار لاعب مؤثر جدا وبيكتسب خبرات وراضي عن أدائه، أنا طلعته مش عشان تعب ولكن هو عنده تعب في رجله وطلعته يرتاح".
وأكمل "احنا محترمين الفرق كلها من وقت القرعة، احترمنا بيراميدز مشوفتش التجديدات اللي حصلت في الفريق ولكن كنت محضر نفسي والمباراة مش سهلة كنا واثقين في شغلنا نادي الاتحاد فريق كبير".
اقرأ أيضا | عبد الله السعيد يعادل رقم محمود الخطيب في بطولة الدوري
و عن حركات عمار حمدي لشريف إكرامي ورمضان صبحي "كل ده كان هزار بين اللاعيبة ومفيش استفزاز ولا حاجة كلهم جيل واحد ولعبوا مع بعض في المنتخب الأولمبي، وكلها حركات هزار أي لاعب بيعملها لزميله".
