”كفاية تشهير انتي اتجوزتيه 13 سنة”.. زوجة طارق العريان الأولى تهاجم أصالة

مازالت أزمة أصالة وطارق العريان مشتعلة منذ الساعات الماضية حتى تدخلت زوجته الأولى وعلقت على الأمر بطريقة مفاجئة.

وهاجمت هالة العتال زوجة طارق العريان الأولى، المطربة السورية أصالة نصري فيما فعلته بنشرها صورة طليقها برفقة نيكول سعفان والهجوم عليه، وذلك عبر صفحتها الشخصية بموقع التواصل الاجتماعي "فيسبوك".

وعلقت على العتال على الأمر قائلة: "دي أول مرة ممكن أرد فيها.. الصورة قاسية عليكي.. طيب أنا لما كنت بشوف ألف صورة وابني مش موجود فيها يا تري إحساسي كان إيه ؟.. كان أكتر من قاسي كان مقهور.. طيب لما كنتي بتكتبي العائلة وابني مش موجود فيها.. إحساسه هو كان إيه؟".

وتابعت: "أولادك عندهم أب أيمن الذهبي حي يرزق.. لكن ابني كان عنده أب واحد بس وللآسف مش هقدر أقول تفاصيل.. طيب لما كنا بنحاول نتكلم كان ردك إيه؟ يا ترى قاسي، ولا حنون زي ما انتي دلوقتي.. الجواز والحب والعشرة في تفاصيل محدش يقدر يعرفها".

وأضافت الزوجة الأولى لطارق العريان: "طيب مفكرتيش في يوم من الأيام إن ممكن الأب يشتري ابنه اللي من دمه، ويرفض الظلم.. طيب مفكرتيش إن فيه نفسية ولد ممكن تتدمر.. طيب دلوقتي أولادك زعلانين من الكسرة، طيب يتكلموا معه ليه لحد دلوقتي؟".

واختتمت كلامها: "أرجوكي كفاية في أولاد وأنا من حقي أدافع عن ابني اللي نفسيته بقيت مش حلوة من كتر الحرب على أبوه.. كفاية بعد الانفصال اللي كنت بتمنى استمرار ليكم وربنا يشهد عليه بس ده نصيب، الأهم دلوقتي الأولاد.. كفاية تشهير في طارق هو مش خاين وأنتي عارفة ده كويس جدًا والأهم من الراجل دلوقتي الأولاد بس".

اقرأ أيضًا: بعد منشورها عن طارق العريان.. رضوى الشربيني تدعم أصالة: ”انسي وعيشي وحبي”

وجاء أيضًا: "بلاش نشوه الصورة.. وهو حر وأنتي عشيتي معاه ١٣سنة وأنا عشيت١٠سنين ومعملتش أي حاجة من دي عمري لأن الأهم كان ابني مش أنا، أرجوكي كفاية من فضلك لأن طارق أحسن أب في الدنيا مع أولاده وأنتي عارفة ده كويس".