”زرع قنبلة تحت ابني من غير ما يقوله”.. لبنى ونس توجه رسالة نارية لـ محمد رمضان
وجهت الفنانة لبنى ونس رسالة مفاجئة للفنان محمد رمضان وذلك عقب إصابة نجلها بحروق وإصابات بالغة في إعلان الفنان الأخيرة.
ونشرت لبنى ونس صورة لساقي ابنها يوسف عمر، عبر صفحتها الرسمية بموقع تبادل الصور والفيديوهات "انستجرام" ويظهر عليها إصاباته بحروق بالغة.
وكتبت لبنى ونس على الصورتين: "إذا عملنا كل حاجة طبيعية وحقيقية كنا هَلَكنا، ولاتُلقوا بأيديكم إلى التهلُكه.. يعني إذا في مشهد يا أستاذ محمد التمساح بياكلك نترحم عليك ويبقى آخر مشهد فى حياتك".
وتابعت: "في مهنتنا يا محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المِحور والكل يدور حوله، هل ممكن تتعرض لما حدث لابني في التصوير معاك مستحيل طبعًا".
وأضافت: "بتعمل أكشن وبتبقى عارف قبلها كل تفاصيله مرة واتنين وعشرة واللي عاجبك بتوافق عليه واللي مش عاجبك بتغيره.. يعني القنبلة اللي زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كدة ليه؟!!!!".
وأوضحت أيضًا: "أنت بني آدم وابني مش بني آدم أنت أغلى الناس عند والدتك ويوسف ابني وعيني ومافيش أغلى من الضنا حط ابنك مكان يوسف هاتقول برضه كله في حبكم يهون".
اقرأ أيضًا: ”إصابته صعبة”.. من الفنان الذي أصيب في الانفجار الذي حدث بإعلان محمد رمضان؟
وكتبت أيضًا: "بس أرجع وأقولك ابني ربنا هايجبله حقه من اللي اسمه عصام الوريث ده اللي ميعرفش أبجديات عمله اللي بيستبيح حياه الشباب عشان يحقق الطبيعية المزعومة الغلط اللي حضرتك بتتكلم عنها حق ابني إن شاءالله هايرجعله مش هاسيبه".
وتابعت لبنى ونس: "عشان يبطل سي الوريث ده أنه يستهين بحياه الناس، سؤال بقى لما نموت سيادة النجم هايندفن فين؟.. الديان والعدل والحق موجود واعتمدنا عليك يارب".
