إزاي نخلي أطفالنا يعيشوا سنهم؟.. استشاري نفسي توضح (فيديو)

تحدثت الدكتورة سهام حسن، أخصائي نفسي وتعديل سلوك الأطفال، عن كيف يمكن للأطفال أن يعيشوا سنهم الحالي، معلقة: "مينفعش أعلم الطفل الأكبر أنه يشيل المسئولية كاملة، ولكن المفترض أنه يتحمل جزء من المسئولية فقط.. من حقه يعيش سنه زي باقي أخواته".

وقالت الدكتورة سهام، خلال لقائها ببرنامج "8 الصبح"، المذاع على قناة "dmc": "وكمان الأمهات اللي بتحط لبنتها مكياج وهي في سن صغير.. ده بيخليها تجتاز مرحلة الطفولة بشكل سريع وأنهم يعيشوا حياة الكبار".

اقرأ أيضًا: ”الزمالك هيفوز”.. الفنان أحمد سلامة يكشف توقعاته بشأن مباراة القمة

وأضافت الأخصائية النفسية: "ممكن نحطلهم مكياج في البيت أو يلعبوا بيها.. لكن مينفعش انتهك البراءة الخاصة بيهم وهما في سن صغير.. ولازم يبقى في اعتدال في ده.. والأفضل وضع المكياج من سن المراهقة مثلا".

وتابعت: "هتبقى البنت كأنها ست كبيرة بتتكلم وتتصرف.. وهتضيع العفوية والتلقائية اللي بيتولدوا بيها.. لازم نخلي الطفل يتصرف على طبيعته لأن كل سن وليه شكله وظروفه اللي لازم الطفل يعيشه".