”لا تعاتب جهلة”.. ريهام سعيد تدعم هاني شاكر برسالة نارية بعد جدل منع مطربي المهرجانات

علقت الإعلامية ريهام سعيد متابعيها وجمهورها على أزمة منع مؤديين المهرجانات ونقابة المهن الموسيقية.

وحرصت ريهام سعيد على دعم الفنان هاني شاكر نقيب المهن الموسيقية بعد قرار النقابة بمنع 19 من مؤدي المهرجانات من الغناء، ونشرت صورة هاني شاكر عبر صفحتها الرسمية بموقع التواصل الاجتماعي لتبادل الصور والفيديوهات انستجرام.

وعلقت على الصورة قائلة: "أمير الغناء العربي أوعي تزعل انت أكبر من كده بكتير .. وأوعي تعاتب جاهل .. مش فاهمين إن لو الإعلام والغنا والتمثيل اتساب من غير رقابه ده هيبوظ الذوق العام.. اتمنع ليه فيلم أنجلينا جولي".

وأضافت: "اتمنع عشان أولادنا ومستقبلهم عشان قيمنا و ديننا .. علي فكره كنت أول واحده بدافع عنهم في بداياتهم موزة وشاكوش وغيرهم.. بس اللي حصل بعد كده كان مخجل حتى في ناس من اللي متسابين يغنوا بقوا بيقدموا إسفاف".

وتابعت ريهام سعيد قائلة: "ووجود الراقصة اللي مالهاش دعوه بالفن خالص بلبسها العجيب بقي حاجه ثابتة في الكليبات.. أستاذ هاني شاكر شكرًا إنك بتحافظ على الفن المصري اللي كان فيه أم كلثوم وعبد الحليم حافظ كان في شكوكو بس كان مونولوجست مابيقولش علي نفسه مطرب ولا بيقول كلام خارج".

اقرأ أيضًا: المخرج مجدي الهواري يعلن تعرض شقيقه لوعكة صحية

واختتمت كلامها: "لو مؤمنين إن فيه حرية مطلقة يبقى وافقوا على انتشار المخدرات والأفلام الإباحية وغيرها وقولوا كل واحد حر يختار الطريق اللي يناسبه".