إيمان العاصي عن عام 2021: «مبحبهاش لأنها خدت مني روحي الحقيقية»
وجهت الفنانة إيمان العاصي، رسالة مؤثرة في أخر يوم بعام 2021، مؤكدة أن هذا العام كان سيء بالنسبة لها، كونها فقدت فيه والدها.
ونشرت إيمان العاصي، صورة تجمعها بوالدها الراحل عبر حسابها الشخصي بموقع التواصل الاجتماعي فيسبوك، وعلقت قائلة: "سنة مالهاش عندي أي وصف مبحبهاش ولا بحب أسمها خدت مني روحي الحقيقة".
وأضافت: "شرخ في قلبي حاسه بيه طول الوقت بيوجعني، مش قادره أتقبل مهما حاولت أبقي عادي واتعايش، كلمة قلب مكسور لما كنت بقراها حد كاتبها عمري ما فهمت دا احساس بجد ولا مجرد تعبير عن الزعل، بس طلع أحساس بجد بيوجع قوي قلبي حاسه فيه شرخ رهيب واجعني طول الوقت حتي وأنا بضحك".
اقرأ أيضا: الموت يفجع محمود الليثي.. فما مصير حفله في رأس السنة؟
وتابعت: "بابا مشي مني علي غافله .يعني أيه موت !!!!!!! دي حاجه مره قوي مرعوبه السنه تخلص وتبعد عني بجد يا بابا!!!! السنه دي خدتك مني أنا مش عاوزاها تهرب بيك بعيد عني مش هعرف أعدي السنه دي ابدآ بكرا عامل وجع في قلبي زي يوم وداعك الأخير كأني هفقد الأمل من جديد".
