عاجل| رانيا يوسف: قلت لبنتي البسي الفستان من غير بطانة إحنا في عصر التكنولوجيا

حلت الفنانة رانيا يوسف، الليلة، ضيفة ببرنامج "مصر جديدة " الذي تقدمه الإعلامية إنجي أنور على قناة ETC، وكشفت خلال الحلقة عن تفاصيل حياتها المهنية والشخصية التي أثارت جدلاً واسعا خلال الفترة الماضية.

وعن تربيتها لبناتها ومفهوم الحرية قالت رانيا يوسف، إنها تعطي لبناتها الحرية في كل شيء، كما أنها أم ليبرالية، مشيرة إلى أنها شخصية متفاهمة جدا معاهم؛ :لأن لو مبقتش كدا في الزمن دا هخسرهم، ولازم أكسر حاجز الخوف مني وأنا شوفت نماذج كتير في الحياة وشفت أم خسرت بنتها؛ لأن بنتها خافت منها وأنا مش عايزاهم يروحوا مني، وأحنا بني آدمين بنغلط وأحنا جايين هنا نغلط ونتعلم أساسًا.

وتابعت يوسف: بنتي جت سألتني ألبس فستان من غير بطانة، قلت لها البسي اللي عايزاه وماحدش له عندك حاجة، والبسي اللي تحبيه سواء فستان ببطانة أو من غير بطانة دا حقك تلبسي اللي عايزاه وأنا مقدرش أمنعك من حاجة، وبشجع بناتي يعيشوا براحتهم وإن محدش له عندهم حاجة؛ لأن أحنا عايشين في عصر التكنولوجيا وعصر الموبايلات والهواتف الذكية اللي بتخلي كل شيء متاح أمامهم.

وأضافت رانيا يوسف: أنا أم ليبرالية، ودوري الأساسي هو تربية بناتي وتعليمهم كويس، وليس التحكم فيهم، ولو عايزين يدخلوا عالم التمثيل والوسط الفني، هسيبلهم الحرية يمثلوا الأدوار اللي يحبوها، في الحدود المناسبة؛ لأن ما دام الحرية مش بتأذي الطرف الأخر يبقى مفيش مشكلة.

اقرأ أيضا: وعد البحري تحتفل بـ الكريسماس بحفل غنائي في إسطنبول.. تفاصيل