عاجل| رانيا يوسف: أنا بطلة إغراء ومستعدة لمشاهد أكثر سخونة

قالت الفنانة رانيا يوسف، إن الشهرة الفنية والنجاح الذي حققته جاء من خلال المجهود الكبير الذي بذلته والتفرغ التام لأعمالها.

وأضافت خلال لقائها في برنامج "مصر جديدة " الذي تقدمه الإعلامية إنجي أنور على قناة ETC: "وأعمالي الجريئة بالسينما وراء شهرتي".

وعن لقب ممثلة إغراء، قالت إنه ليس وصمة عار أو إهانة للفنانة، مؤكدة أنها تقبل تقديم أدوار بها قبلات ومشاهد جريئة في السينما المصرية، معقبة:"أنا مش بقلق لما بعمل أدوار جريئة أو مثيرة، إحنا لازم نكون تخطينا طريقة التفكير دي، أنتي دلوقتي بتتعاملي مع منصات إلكترونية بتجيب كل حاجة، وخايفة تعملي أدوار جريئة ليه؟ عشان الناس مثلا؟ دا تمثيل وملوش دخل بحياة الفنان الشخصية".

وأكدت أنها لا تخشى من تصنيفها كممثلة إغراء، مضيفة: "مش شتيمة، ومش وصمة عار، خايفين من الناس تحكم عليكم ليه، يحكموا عليا ليه أصلا ولو حد بيفكر بالطريقة دي في 2022 يبقى فيه خلل عندنا في التفكير، ولو حد عايز يتفرج على أفلام إباحية هيجبها على الموبايل، أنت مش مستنيني أجي أعملك مشهد إغراء، المشاهد لو عايز مشهد إغراء هيتفرج عليه في مليون حتة، أنا معنديش خطوط حمرا في السينما".

وأردفت الفنانة :"أنا ممثلة بروفيشنال وممكن أعمل مشهد فيه قبلة أو البس بيكيني لو دا يستدعي وفي سياق العمل، وممكن أعمل مشهد أكتر من كدا كمان، وأنا ما دام وفقت على الفيلم يبقى وافقت على كل اللي في الفيلم، وبعرف أفرق أيه المشهد اللي مهم وأيه اللي مش مهم وبتناقش مع المخرج.

وعن رأيها في الزواج قالت:"أنا قررت أني مش هتجوز تاني، لان الزواج ملهوش لازمة دلوقتي بالذات في المجتمعات العربية، لأن مفهوم الجواز عندنا غلط يعني الناس ببتجوز عشان تخلف أو تعمل علاقة، لأن معندناش مفهوم العلاقات المفتوحة ودا الطبيعي في المجتمعات الشرقية".

اقرأ أيضا: وعد البحري تحتفل بـ الكريسماس بحفل غنائي في إسطنبول.. تفاصيل