«أنا زعلانة وبحبه جدا».. أبرز تصريحات منة عرفة عن محمود المهدي وحقيقة طلاقها منه - «فيديو»

تصدرت الفنانة منة عرفة، قائمة التريند في محرك البحث بجوجل، وذلك بعد أن حلت ضيفة ببرنامج "سابع سما" مع الإعلامية راغدة شلهوب، المُذاع عل فضائية النهار.

وكشفت منة عرفة، خلال اللقاء عن حقيقة طلاقها من زوجها محمود المهدي رسميا، ومحاولة انتحارها وتعرضها للاكتئاب.

حقيقة طلاق منة عرفة ومحمود المهدي

أكدت "عرفة" أنه لم يتم الطلاق رسميا إلى الآن بينها وبين محمود المهدي، وأشارت إلى إنهما تجوزا سنة واحدة فقط، وأول مرة انفصلا فقط ولم يتم الطلاق، وقالت: "المرة الثانية انفصلنا أيضا، ولكن نُجري في أوراق الطلاق، إحنا لحد دلوقتي ماشيين في إجراءات الطلاق الرسمي، لأن الطلاق مش بين يوم وليلة، فيه تفاصيل بينا بنخلصها، وفيه بيزنس معين ما بين الأهل، وبالتالي كل ده بنخلصه حاليا علشان يتم الطلاق الرسمي".

وأضافت عن علاقتها مع زوجها، قائلة: "كانت سنة فيها حاجات حلوة، وحاجات وحشة، زي أي اتنين، واحنا بنتكلم حاليا، بس إننا نرجع لبعض ديه بتاعت ربنا.. أنا مش بكرهه بالعكس، ده شخص عشت معاه حاجات كتير أوي".

وانهارت منة عرفة، من البكاء عند الحديث عن زوجها، مؤكدة أنها مرت بمرحلة صعبة بعد إنفصالها من زوجها، قائلة: "أنا زعلانة من نفسي شوية، لأني قصرت في حق نفسي كتير.. ولكن ملحوقة إن شاء الله، هي مرحلة صعبة عليا جدا، لأن مفيش حد يحب إنه يتعلق بحد، وبعدين الموضوع للأسف ميكملش.. مفيش حد يحب إن يحصله كده أكيد".

واستكملت: "رغم المشاكل الكتيرة اللي حصلت، ولكن في الآخر الواحد بيزعل وبيحزن على فراق الشخص نفسه، خاصة إن كان بينكم تفاصيل كتيرة.. علشان كده أنا زعلانة، أنا بحبه جدا، وبكنله كل الحب والاحترام".

كما كشفت منة عرفة، عن السبب الحقيقي وراء إنفصالها عن محمود المهدي، قائلة: "ده قرارنا إحنا الاتنين، لأن الموضوع بنا مبقاش حب ورومانسية زي الأول، وفجأة الدنيا بقيت مشاكل كتير، وأطراف تتدخل وناس تتكلم، والناس بقيت عارفة كل حاجة، واللي ميعرفش حاجة عامل نفسه عارف وبردو بيتكلم".

أقرأ أيضًا.. رمضان 2022.. مواعيد عرض مسلسل «ملف سري» لهاني سلامة

وتابعت: "الناس بتخش تحاكمني، وتقولي إنتي موقفتيش مع جوزك، إنتي ليه ملتزمة الصمت! طب اطلعي دافعي عنه، مين قال إن أنا موقفتش جمبه، مين قال ان انا مدافعتش عنه، مين قال ان انا مقعدتش وحاولت أحل، مين قال ان أنا ماسعتش علشان نشوف حلول، انتوا متعرفوش حاجة، إنتوا بتوصلوا الناس لتفكير مش حلو، ومحاولة للانتحار بسبب كلام الناس ده".