الإعلان الرسمي الأول لفيلم «بحبك» لتامر حسني.. وهذا موعد عرضه
طرح المطرب تامر حسني الإعلان الدعائي الأول لأحدث أفلامه "بحبك"، من المقرر عرضه في عيد الأضحى المقبل.
فيلم "بحبك" من تأليف وإخراج تامر حسني وبطولته في أول تجاربه في عالم الإخراج .
الفيلم بطولة تامر حسنى، هنا الزاهد، حمدى الميرغنى، هدى المفتى، مدحت تيخة، عمرو صحصاح، شهد الشاطر، عالية راشد وعدد آخر من الفنانين، وانطلق تصويره منذ أيام بمشاهد جمعت تامر حسنى وهنا الزاهد والتي نشرها تامر على حساباته على السوشيال ميديا.
في سياق آخر كشف الفنان تامر حسني، كواليس تصوير فيلمه الجديد الذي يحمل اسم "بحبك"، وذلك من خلال نشر مجموعة صور له برفقة الفنانة هنا الزاهد من التصوير، على حسابه الشخصي، عبر موقع تبادل الصور والفيديوهات إنستجرام، وكتبت: "مساء الهنا على أغلى ناس على قلبي انا.. دي صور من اول يومين تصوير لفيلمنا الجديد بحبك.. طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم.. هنبحث طول الوقت عن مدى صدق كلمة بحبِك من الرجل للأنثى و بحبَك من الأنثي للرجل في احداث فعلاً محيره جدا".
اقرأ أيضًا.. أفلام عيد الفطر 2022 في السينما.. 6 نجوم يخوضون منافسة شرسة «فيديو»
وتابع: الفيلم اكيد فيه ضحك بس في إطار رومانسي بحت مش موجود بقاله كتير.. اتشرفت بمشاركة نجمة اليوم و المستقبل الجميله هنا الزاهد.. ومبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم، ومبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله.. و للأسف لسه مصورش علشان انزل صوره بس في اول يوم تصوير له ههريه صور.. و انتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله، وفرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه.. الفيلم من انتاج حبايب قلبي و اصدقاء العمر سينرچي احمد بدوي تي ايتش برودكشن حسام حسني سكاي ليميت أحمد الدسوقي".
