عاجل| ساويرس: قبل الناس ما تلجأ للسرقة والتسول.. في حدود للتحمل

قال رجال الأعمال نجيب ساويرس إن الاقتصاد المصري لن يتحمل الإغلاق لمدة شهور تجنبا لانتشار فيروس كورونا المستجد.

وكتب ساويرس عبر موقع التغريدات القصيرة تويتر: "قبل ما الناس تلجأ للتسول والسرقة علشان توكل أولادها! فيه حدود للتحمل.. إحنا عملنا المضبوط لحد دلوقتي.. لكن مش غلط نبتدى ندرس هنعمل إيه لو الموضوع طول.. إحنا اقتصادنا ميستحملش الغلق شهور وشهور! وبلاش سوء الظن ده.. ملايين إيه اللي لسه هدور عليها!".

ليرد عليه أحد متباعية على تويتر كاتبا: "يعنى إنت علشان تكسب ملايين تموت ملايين الشباب.. اتحمل شوية يا نجيب بيه أزمة وتعدى".

وردا على تعليق متابعه كتب ساويرس: "يا ابنى الموضوع ملوش دعوة بيا.. الموضوع هو ملايين البشر اللى فقدت أكل عيشها من قعدة البيت.. عمال اليومية.. الحرفيين.. سواقين.. العاملين في السياحة.. التاجر الصغير.. الخ الخ .. ملايين إيه بس اللي لسه هكسبها! بكرر لازم نفكر بصوت عالى.. إزاى ممكن نرجع الشغل من غير ما نمرض ولا نعدى حد".

مضيفا "ترك مسافة ٢ متر بين كل واحد والتانى، تقسيم العاملين على مساحات أوسع، تعقيم كل المكاتب، عمل تحليل للى راجع الشغل أو على الأقل قياس الحرارة، ارتداء الكمامات، تقسيم العاملين على مساحات أوسع، منع السلام والتقبيل، وعدم الإجبار للعودة للى خايف.. واللى عنده أفكار أحسن يقولها".