بعد قرار عودتها.. ريهام سعيد تعتذر للجمهور: مش هاغلط تاني
استجابت الإعلامية ريهام سعيد، لطلب المجلس الأعلى للإعلام على ضرورة الاعتذار بعد موافقته على عودة برنامجها "صبايا الخير"، بعد قرار وقفه، بسبب حلقة صيد الثعالب التي أثارت جدلًا كبيرًا.
وقدمت ريهام سعيد، اعتذارًا لجمهورها، حيث نشرت صورة لها عبر حسابها الخاص بموقع تبادل الصور والفيديوهات "إنستجرام"، وعلقت:" علي قد ما زعلت إني اتهاجمت واتجرحت كتير، فرحت أوي إن ناس كتير بقت رحيمة بالحيوانات".
تابعت الإعلامية:" أنا بعتذر علي أي مشهد فيه إساءة لاي حد، وخصوصا الناس المهتمة بالرفق بالحيوان بعتذر إني تسببت في أذى لأي ابن حد فيكوا، لكن لازم تكونوا متأكدين اني اشتغلت واجتهدت وتعبت لمدة 18سنة، وأكيد مش محتاجة أي شهرة ولا مشاهدة، الهدف الوحيد هو تقديم محتوي محترم صادق ومفيد".
وواصلت: " كنت عايزة الحلقة تسلط الضوء علي مهمة الصيد اللي موجودة في كل أنحاء العالم بمميزاتها وعيوبها، حبيت أقدم الحقيقة، وأزود معلومة جديدة، هي دي نيتي بس، أي اتهامات أنا هرد عليها الحلقة الجاية، لكن المهم دلوقتي إن محدش يزعل مني، لأن أكيد كل الي اتقال ده مش حقيقة".
واختتمت كاتبة:" أنا عايزة أعيش في سلام وكفاية مشاكل، نفسي اللي بيهاجموا وعمرهم ما اتفرجوا علي البرنامج يبتدوا يتابعوا، يمكن تشوفوا اد ايه بنتعب، واد ايه حريصين إن احنا نقدم أحسن حاجة أنا أسفة مرة تانية، والمرة اللي جايه هحط في الاعتبار إن ساعات الحقيقة ممكن تجرح، وعد مش هانغلط تاني".
اقرأ أيضًا: فريدة سيف النصر تكشف لـ”الطريق” تفاصيل إصابة صابرين وعائلتها بفيروس كورونا
ووافق المجلس الأعلى للإعلام أمس الاثنين، على عودة برنامج "صبايا الخير"، على قناة النهار بعد أن خضعت ريهام سعيد، للتحقيقات بشأن حلقة صيد الحيوانات البرية، موضحًا أنه لا مانع لدى المجلس من إعادة بث البرنامج، وذلك في ضوء التعهد المقدم من مقدمة البرنامج بالاعتذار للجمهور في أولى حلقاته، ويشترط إنهاء أي موضوعات متعلقة بنقابة الإعلاميين.
