هالة صدقي: غروري كان بيأكدلي إني عمري ما أتخان.. وجوزي عور نفسه وهيدفع التمن (فيديو)
روت الفنانة هالة صدقي تفاصيل أزمتها مع زوجها خلال لقائها مع الإعلامي عمرو الليثي في برنامجه "واحد من الناس" المذاع عبر قناة الحياة.
وقالت هالة صدقي إنها تعرضت للخيانة مرة واحدة في حياتها ولم تكن تتوقع أن تمر بهذه التجربة، مضيفة: "غروري بنفسي كان بيأكدلي إنه لا يمكن كنت اتخان لإني أنا ماشية على الكتالوج وبعده بشوية كمان وصحابي عارفين كده كويس".
وأضافت: "مشكلتي مع زوجي سببها في الغالب واحدة ست، هي احتمالات كبيرة ممكن اه وممكن لأ، أنا ماعنديش علم بحياته في أمريكا، والأزمة تطورت بينا لإني عنيدة ورفضت أي عروض للتفاوض، لإني اتجرحت جامد ماستهلش أنا وعيالي وأخويا وأمي نتشتم على السوشيال ميديا لمدة ست سنوات".
وتابعت: "طب أمي عملت لك ايه؟ كاتب بوست فظيع على ماما الله يرحمها، ومرة كنت في الطريق لقيت بوست شتيمة اكتشفت إنه كلم بنتي وهي رفضت ترد، وجه مصر فجأة وراح المدرسة لولادي كان عاوز يعمل مشكلة كلموني قلتلهم خلوه يشوفهم بس ماكتش عاوزهم يتصدموا".
واستطردت: "مشكلة عادية لما تشوف المشاكل اللي حواليك هتعرف إنها مشكلة تافهة راجل ومراته بيتخانقوا كل واحد عاوز يأذي التاني، المشكلة الوحيدة إني ست معروفة هو طبعا أبو ولادي بحترمه وبقدره علشان أبوهم، هو أكيد هيدفع التمن هو اللي عور نفسه مش عورنا إحنا".
وأردفت هالة صدقي: "الراجل حاول أكتر من مرة التواصل معايا وأنا رفضت لإن في حاجات ممكن تسامح فيها وفي حاجات ماينفعش تسامح فيها، في أحداث كتيرة ممكن العيب فيا إني مش عارفة أسامح، بسبب شتيمته على الفيسبوك قلت معلش كبري".
وواصلت: "الموضوع تطور لأنه هو عارف نقطة ضعفي الولاد وقف الباسبور الأمريكي وده كان مستقبلهم في الرياضة منعهم من السفر خالص في وسط أصحابهم ممنوعين من السفر تقيلة على الأطفال وأخيرا القضية الأخيرة".
اقرأ أيضًا: شيرين رضا: معايا الإعدادية فقط.. وأعيش قصة حب مع شخص عنده 28 سنة (فيديو)
واستكملت: "معلش عادي أنا بقول أي مشكلة في الدنيا ليها حل، الحاجة الوحيدة المرض ماحدش عارف علاجه، أي حاجة غير كدة بالنسبة لي تافهة، ومتعاطفة معاه علشان مش عارفة علاقته بولاده هيصلحها إزاي".
