ميار الببلاوي ترد على الانتقادات: ”تعبت من نومة السرير”
ردت الفنانة والإعلامية ميار الببلاوي على الانتقادات التي تعرضت لها بعد إعلان خضوعها لعملية في إصبعها وتعرضها لكسور وشروخ في أصابع قدميها بعد سقوط درفة دولاب على قدميها.
ونشرت ميار صورة درفة الدولاب عبر حسابها الخاص بموقع "فيس بوك" وعلقت: "للي باعت لي بيقولوا إنتي كل حاجه تهوليها ايه يعنى درفة دولاب".
وتابعت: "طيب دي درفة الدولاب أداة الجريمة أمي بتحب الخشب الارو والأوض العمولة وبتعتز جدًا بيها وبتقول دي بتعيش وملهاش دعوة الموديل اتغير ولا لا المهم درفة الدولاب محدش يقدر يشيلها ولا الادراج ولا حتى ملة السرير والله الدرفة دي النجار بيجيب البواب وواحد كمان علشان يشيلوها".
واستكملت: "أنا مابدعيش أنا تعبت من نومة السرير بقالي شهور كل ماقوم يوم أنام شهر مش قادرة اتحرك للي يعرفني يعرف إني اكتفيت جدا والله نفسي اقوم علشان أمي وابني ومحدش بيخدم حد ومحدش بيستحمل حد يارب ماتحوجنى يارب".
واختتمت: "رضيت بقضائك بس لا اسألك رد القضاء ولكنى اسالك اللطف فيه ويا شمتانين انا مباذيش حد ولا بغضب ربنا لأي سبب وشماتتكم فيا ربنا عالم بيها حسبي الله ونعم الوكيل".
وأعلنت الفنانة ميار الببلاوي، تعرضها للكسر في 4 أصابع وإجرائها عملية جراحية في قدمها، ونشرت صورًا لقدميها، وعلقت: "آسفة لبشاعة المنظر، وعارفة أنكوا زهقتوا مني، بس والله ما عارفة أقول إيه غير يارب الصبر من عندك".
وأوضحت: "بفتح ضرفة الدولاب الصبح وقعت على رجلي كسرتلي أربع صوابع، وصابعي الكبير تهتك تماما، وعملت عملية شالولي الضافر، دي رجلي الشمال، اليمين كسر مضاعف، والصباع الكبير شكله صعب جدا، بس الحمد لله متكسرش".
اقرأ أيضا: مصطفى حجاج عن عمرو دياب: ”قعدت 10 دقايق مع تاريخ” (فيديو)
وتابعت: "ربنا عالم بيا، الوجع بتاع شيل الضافر مع الكسر فوق احتمال البشر، مكسوفة أقول ادعولي بس هطلب منكم الدعاء وأنا عارفة أنكم زهقتوا مني، بس ده قضاء ربنا اللهم لا اعتراض".
