أسماء مصطفى: ”أهملت الألم لحد ما اكتشفت إن السرطان بياكل في معدتي”
نصحت الإعلامية أسماء مصطفى، متابعيها بضرورة الذهاب إلى الطبيب والخضوع للفحوصات الطبية وعدم الاعتماد على المسكنات، في حالة الشعور بأي ألم، لتفادي أي تدهور في الحالة الصحية.
وكتبت أسماء مصطفى في منشور عبر صفحتها الرسمية بموقع "فيس بوك"، "أنا بكتب الكلام ده علشان عارفة إن في ناس كتير بحبهم وأتمنى نصيحتي توصل للكل".
وأضافت: "بالمناسبة أنا كنت زي الشاب ده الله يرحمه، ما بشتكيش كتير كنت طول الوقت باجي على نفسى ابتلاءات في حياتي خلتني آخر حاجة أفكر فيها أدخل مستشفى أعمل أي فحص".
وتابعت:"كنت بتعامل مع المسكنات زى البنبون والمسليات، اتعب أخد مسكن وأكمل، مكنتش أحب أحسس اللي حواليه بتعبي واخدها طول وعرض، لحد ما اكتشفت إن السرطان بياكل في معدتي".
واستطردت: "وحتى بعدها كنت بدور على علاج ميخليش أعراض تظهر عليه، علشان أخبي على عيلتي وأكمل شغلي، وموجعش قلب حد لحد ما المرض غلبني، نصيحة لوجه الله لم تتعبوا قولوا روحوا اكشفوا واطمنوا على نفسكم، بلاش العادة السيئة أي دوا من الصيدلية ومسكنات ونكمل أرجوكم بلاش".
اقرأ أيضًا: شريهان ترد على حماقي: ”فخورة بيك”
واختتمت: "صبري على الألم وإنى كنت باخد على حاجة على نفسى وأعصابي، خلاني مروحتش اكشف غير لما لاقيت نفسي فعليا بقع، ولو كان المسكن يومها جاب نتيجة أكيد مكنتش هروح المستشفى من رحمة ربنا، إن الألم كان أكبر من احتمالي ودلوقتي بتمنى يوم واحد بس دون ألم، طولت عليكم أرجوكم خلوا بالكم من صحتكم".
