عزيز الشافعي يدافع عن محمد حماقي وينشر فيديو غنائه للزمالك

دافع الشاعر والملحن عزيز الشافعي عن النجم محمد حماقي، بعد هجوم بعض مشجعي الزمالك عليه لسخريته من هزيمته بماراة القمة وتغير كلمات أغنية "قدام غمزة إحنا تلامذة".

ونشر عزيز الشافعي، فيديو غناء محمد حماقي للزمالك "الفانلة البيضا بخطين حمر"، عبر حسابه الشخصي بموقع التواصل الاجتماعي فيسبوك.

وعلق قائلا: "حماقي من أكتر الناس المحترمة واللطيفه جدا و مبيحبش أبدا يزعل حد، وفالفيديو ده بيغني للزمالك رغم انه أهلاوي و عملها كذا مره بعد كل بطولة أو مناسبه، بكتب الكلام ده عشان ردود الأفعال اللي شوفتها على فيديو لغنوة زيها مين ف فرح وهو كان مقصود بيه العبد لله وطارق اخو حماقي عشان طبعا أحنا الاتنين زملكاويه و كان بينا رهان".

وتابع: "ياريت الناس تتقبل الأمور دي ببساطه، وأنا مقدر لو ناس زعلانه بس الحقيقه ودي شهادة حق، هو من أكتر الناس المحترمه و مش مقصود منه أبدا أي إساءه ، بالعكس
خالص".

وجاء ذلك بعد أن تداول رواد مواقع التواصل الإجتماعي فيديو لمحمد حماقي وهو يغني أغنية "قدام غمزة إحنا تلامذة" بعد تغير كلماتها إلى "قدام الخمسة إحنا تلامذة" وسط تفاعل الجمهور.

اقرأ أيضاً| ياسمين رئيس عن دينا الشربيني: ”أختي ووقفت جنبي في جوازي ووفاة أمي”