حفيد رشوان توفيق: «احنا عايزين كل حاجة زي ما سابتها جدتي لأمي»
تحدث محمد عصام، حفيد الفنان رشوان توفيق، عن تفاصيل القضايا التي رفعها هو ووالدته على جده، قائلا: "أنا مش طالع أرد على جدي، أنا طالع أرد على الكلام اللي اتحرف واتقال على لسانه وهو ماتقالش، والأستاذة هبة أنكرت ده امبارح".
وقال عصام، خلال مداخلة هاتفية ببرنامج الحكاية، المذاع على قناة "إم بي سي مصر": "القضية اللي رفعناها هي دعوة بطلان على عقد بيع فيلا وإلغاء توكيل، الوكالة العامة بتقول ان لازم يبقى مع جدي موافقة من الوكيل أنه يتمم عقود قسمة، وتم عمل عقد قسمة واترفع بيه قضية صحة توقيع من الأستاذ رشوان بتوكيل عن والدتي".
اقرأ أيضا: عاجل | وزير التعليم العالي يتحدث عن تأجيل الدراسة
وأضاف: "كان معمول عقدين في الأول، أول عقد ان كل بنت هتاخد نص شالية والنص اللي هيتفضل هيتقسم على التلاتة، بعد كدة غير في العقد".
وتابع: "المفترض ان النصيب كان هيتقسم على التلات بنات بالتساوي، والعقود كانت مطروحة قدامه وهو حضر البنات وهما بيوقعوا، محدش رفض عقود حق انتفاع من زوجة الفنان رشوان لبناتها، وبعد ما ماتت انتقلت ليهم تلقائيا لكن هو عايز يغير ده دلوقتي".
واختتم حديثه: "اللي تم مش قانوني لأنه عمل بيوع قسمة دون الرجوع إلى صاحب الملك والمسئول عن التوكيل، احنا عايزين كل حاجة زي ما تركتها جدتي لأمي".
