فيفي عبده: «نجوى فؤاد مش محتاجة فلوس بس عاوزة تشتغل وتقف قدام الكاميرا»
قالت فيفي عبده، إن نجوى فؤاد لم تقل أبدا إنها في حاجة إلى أي مساعدة، موضحةً "الوجود عند الفنان مش إننا نديله فلوس، ممكن يبقى معاه فلوس بس عاوز ناس، وبشر، من حقها إنها تمثل وتبقى أم أو خالة".
وأضافت فيفي عبده، في حوارها مع الإعلامية بسمة وهبة مقدمة برنامج "العرافة"، على قناة المحور: "أنا متطمنة عليها وعارفة إن حالتها كويسة، معرفتش تعبر لما قالت عاوزة آكل عيش، نجوى فؤاد مش عارفة تعبر عن مشاعرها الحقيقية".
اقرأ أيضًا.. «أحمد حلمي وهنيدي وإسعاد يونس».. المسلسلات الإذاعية تشعل المنافسة في الدراما التلفزيونية
وتابعت: "أغلب الناس اللي بيموتوا من الفنانين بيبقى من القهر، الناس بيبقوا حواليهم ومرة واحدة ميبقوش معاهم، الكلام ده مكنش موجود قبل كده، زمان الناس كانت بتسأل على بعض.. نجوى محتاجة تشتغل، وعمرها ما قالت لحد اديني، هي عاوزة شغل عشان تبقى قدام الكاميرا لأنها بتحبها".
يذكر أن الفنانة فيفي عبده، تشارك في السباق الرمضاني الحالي 2022، بمسلسل "شغل في العالي"، وتعاونت فيه مع النجمة شيرين رضا وكلا من: كريم سرور، بيومي فؤاد، هيثم سعيد، توني ماهر، بسمة داود، مروان يونس، و من تأليف حسين مصطفى محرم، وإخراج مرقس عادل.
