حكاية خنزير هرب من مطعم كبدة بالأميرية.. والزبائن: ”يانهار أسود بيأكلونا خنازير”
عندما تمر بحي الأميرية تجذبك رائحة الكبدة الزكية بالفلفل والليمون والثوم، والسجق الشرقي، وتجد طابورًا طويلًا أمام المحل وأشخاص يتضورن جوعًا، وإذ فجأة نرى خنزيرا يفر من أمام المطعم، ليتحول الشارع إلى حالة من الهرج والمرج للحاق به.
تفاجأ أهالي منطقة الأميرية، وزبائن أحد محال الكبدة والسجق، اليوم الخميس، أثناء انتظارهم، بهروب خنزير في الشارع، ما أدى إلى ذعر المارة، وذلك بحسب منشور تم تداوله على موقع التواصل الاجتماعي "فيسبوك".
وقال صاحب المنشور، يوسف المصري، عبر حسابة الشخصي: "النهارده في الأميرية الناس واقفه تشتري سندوتشات كبده وسجق لقوا الخنزير دا خارج يجرى هربان من المحل وأبناء المنطقه قاموا بإمساكه وإعادته لصاحب المطعم.. بعد أن فقد الأمل فى عودته".
وعلَق نشطاء على موقع التواصل "فيسبوك"، بسخرية قائلين: "إللى محيرنى إن شارع كامل بيجرى وراها.. لو كبدة خنازير هتبقى غاليه.. والرجل ده كريم قوي يا بابا.. إزاي محل كبده هيبيع كبدة خنازير.. الخنزير دا للدليفري يا جماعه كلو انتو ولا يشغلكوا بألف هنا..العيال قطعوا نفسه من الجري.. يانهار أسود بيأكلونا خنازير".
كما علَق البعض أيضًا: "غريب أوى ساندوتش الكبدة ده.. يعنى الناس سابوا صاحب المحل اللى بيغشهم وجروا ورا الخنزير كأنة الجانى.. والله فعلا شعب كوميدى جدا.. هما نسوا إن مش ده اللي بيوكلهم ده صاحب المحل ولا الصدمه مخلياهم شايفين إن ده صاحب المحل"
وقال أحمد حسن، أحد شهود العيان، تعليقة على الفيديو: "للتوضيح ياجماعة كان في عربيه معدية من المنطقه دى ووقع منها الخنزير ده".
